जो काम करेल तो नक्कीच पुढे जाईल- लोकनेते रामशेठ ठाकूर.... रामशेठ ठाकूर यांच्या हस्ते प्रितम जनार्दन म्हात्रे जनसंपर्क कार्यालयाचे उद्घाटन
यापूर्वी रामशेठ ठाकूर आणि जे.एम.म्हात्रे ही जोडी लोकं ओळखत होती आता प्रितम म्हात्रे आणि परेश ठाकूर ही जोडी ओळखली जाईल असे माजी खासदार रामशेठ ठाकूर यांनी यावेळी सांगितले.माजी विरोधी पक्षनेते प्रितम म्हात्रे यांनी खालापूर,पनवेल,उरण,रायगड इ.ठिकाणाहून कुठूनही नागरिक आले तरी नागरिकांना या कार्यालयात सन्मानाने वागणूक मिळेल. कोणाची अडकलेले कामे असतील तर ती नक्कीच सोडवण्याचा प्रयत्न प्रामाणिकपणे करणार असल्याचे सांगितले.
जनसंपर्क कार्यालयाच्या उद्घाटन प्रसंगी अनेकांची उपस्थिती पाहून ही नक्कीच मोठ्या यशाची नांदी आहे . आगामी महापालिकेच्या निवडणुकीत 78 नगरसेवक भारतीय जनता पार्टीचे निवडून आणण्याचा प्रयत्न करणार असल्याचे जिल्हाध्यक्ष अविनाश कोळी यांनी सांगितले.यावेळी जनसेवा करण्यासाठी हे कार्यालय सुरू करण्यात आले असल्याचे माजी नगरसेवक गणेश कडू यांनी सांगितले.
आमदार श्री.विक्रांत पाटील यांनी आपल्या पाठीशी मजबुतीने उभे राहणारे लोकनेते श्री.रामशेठ ठाकूर आहेत. भिऊ नको,मी तुझ्या पाठीशी आहे या भूमिकेत ते नेहमीच असतात.जे.एम.म्हात्रे साहेब यांच्या मार्गदर्शनाखाली प्रितम म्हात्रे हे अनेक वर्ष सामाजिक काम करत आहेत. त्यामुळे ते अन्य कोणत्या पक्षाचे वाटतच नव्हते तर ते आपलेच वाटत होते असे आ.विक्रांत पाटील यांनी सांगितले.त्यामुळे त्यांच्याशी जिव्हाळ्याचे संबंध आहेत तसेच भारतीय जनता पार्टी ही देश प्रेमासाठी काम करणारी पार्टी आहे.या कार्यालयाच्या माध्यमातून गोरगरीब जनतेसाठी असणाऱ्या असंख्य योजनांची माहिती नागरिकांपर्यंत पोहोचवण्याचे आवाहन आ.विक्रांत पाटील यांनी केले.
पक्षप्रवेश ....
यावेळी कामोठे येथील अल्पेश माने प्रमुख संघटक शेकाप, सुरेश खरात कामोठे शहर अध्यक्ष व्यापारी सेल, सौ.शुभांगी खरात, यांच्यासोबतच खांदा कॉलनी येथील शेतकरी कामगार पक्षाचे अध्यक्ष श्री.जयंत भगत,यांच्यासोबत त्यांच्या संघटनेच्या असंख्य सहकाऱ्यांनी शेकापमधून भाजपमध्ये प्रवेश केला यामुळे कामोठे आणि खांदा कॉलनी येथे श्री.प्रितम म्हात्रे यांच्या प्रवेशानंतर भारतीय जनता पार्टीची ताकद वाढली आहे.
भाजपचे प्रितम म्हात्रे यांच्या जनसंपर्क कार्यालयाचे उद्घाटन असताना देखील ते खुर्चीवर बसले नव्हते,ते बाजूला उभे होते.यावेळी माजी खासदार रामशेठ ठाकूर यांनी काम करणाऱ्याला खुर्चीची गरज नसते असे प्रितम म्हात्रे यांच्याकडे बघून सांगितले.
Post a Comment