पनवेलमध्ये केला मुस्लिम बांधवानी पाकिस्तानसह आतंकवाद्यांचा निषेध ... निषेध मोर्चा काढून पहलगाम येथील हल्ल्याचा निषेध
पनवेल शहरातील मुस्लिम नाका येथील सुविधा मेडिकल जवळ सायंकाळी पाच वाजता मोर्चाला सुरुवात झाली. काळे झेंडे दाखवत,पाकिस्तान मुर्दाबाद अशा घोषणा देत मुस्लिम बांधव या मोर्चात सहभागी झाले होते. दहशतवाद्यांनी मुसलमानांचे नाव घेऊन जो हल्ला केला त्यामुळे भारतात मुस्लिम समाज बदनाम झाला आहे.मुसलमानांच्या नावाने उद्या कोणीही काहीही करू शकतो. परंतु भारतीय मुस्लिम नेहमीच देश हितासाठीच जगणार आहे अशी प्रतिक्रिया मोर्चात सहभागी झालेल्या नागरिकांनी दिली. छत्रपती शिवाजी महाराज पुतळ्याजवळ मोर्चाचा समारोप करण्यात आला.मोर्चादरम्यान काही अनुचित प्रकार घडू नये यासाठी पनवेल शहर पोलीस ठाण्याचे वरिष्ठ पोलीस निरीक्षक नितीन ठाकरे, सहाय्यक पोलीस निरीक्षक बजरंग राजपूत परिस्थितीवर लक्ष ठेवून होते. पूर्ण पोलीस बंदोबस्तात हा मोर्चा काढण्यात आला.विशेष म्हणजे या मोर्चात मुस्लिम महिला देखील सहभागी होऊन निषेध नोंदवत होत्या. यामध्ये प्रामुख्याने इकबाल काझी,माजी नगरसेवक मुकीत काझी,जैनाब शेख,संतोष पवार,सोफिया मुकादम, सलमान मुकादम, पंचशील शिरसाट,जमीर पठाण,सुश्मिता मोहिते, रेहाना हुसेन,नावेद पटेल,नवाद पटेल,अदनान अन्सारी, बिस्मिल्ला करंबेळकर,सना शेख,सलमा कच्ची रजिया कच्ची, कैकशा शेख,मॅरियम करंबेलकर यांच्यासह मुस्लिम समाजाला या मोर्च्यात पाठिंबा देण्यसाठी विविध समाज बांधव सहभागी झाले होते.
Post a Comment