टपाल नाका येथे पनवेल महापालिकेच्यावतीने मोठी अतिक्रमण कारवाई ....टपाल नाक्यावरील वाहतुकीची समस्या सुटली जाणार
यावेळी कारवाईवेळी सहाय्यक संचालक नगर रचना केशव शिंदे , सहाय्यक आयुक्त श्रीराम पवार, सहाय्यक आयुक्त सुबोध ठाणेकर तसेच प्रभाग अधिक्षक सदाशिव कवठे, प्रभारी अधिक्षक रोशन माळी, प्रभारी अधिक्षक अरविंद पाटील, महापालिकेचे अधिकारी सुधीर सांळुखे,राजेश कर्डिले, जयराम पादीर, प्रितम पाटील,संदिप पवार तसेच अतिक्रमण विभागाचे कर्मचारी उपस्थित होते तसेच पनवेलचे सहाय्यक पोलिस निरीक्षक राजरत्न खैरनार, वाहतूक वरिष्ठ पोलिस निरीक्षक संजय पाटील व पोलिस कर्मचारी उपस्थित होते.
टपाल नाका येथे दिवसेंदिवस वाहतुकीची कोंडी वाढू लागल्याने याठिकाणी रस्ता रूंदीकरण करणे महत्वाचे होते. याबाबत मा. मुंबई उच्च न्यायालयात दोन रिट याचिका सादर करण्यात आल्या होत्या,परंतु दिनांक 6 फेब्रुवारी २०२५ रोजी मा.मुंबई उच्च न्यायालयाने सदर दोन्ही याचिका सुनावाणी अंती फेटाळून लावलेल्या आहेत.त्यामुळे रस्ता रूंदीकरण कामात डथळा येणाऱ्या नऊ गाळयांवर आज पालिकेच्यावतीने डंपर,पोखलॅड,जेसीबीच्या साहाय्याने मोठी निष्कांसन कारवाई करण्यात आली.या कारवाईमुळे टपाल नाक्यावरील वाहतुकीची समस्या सोडविली जाणार असून पनवेल, करंजाडे मधील होणारी वाहतुक जलद होणार आहे. या कारवाईमुळे नागरिकांमधून समाधान व्यक्त केले जात आहे.
या निष्कांसन कारवाई प्रसंगी धूळ प्रदूषण रोखण्याच्या दृष्टीने वॉर्ड अधिकारी डॉ. रुपाली माने यांच्या संकल्पनेनुसार पालिकेच्या वॉटर कॅनॉनचा यावेळी वापर केला.निष्कांसन कारवाई दरम्यान या वॉटर कॅनॉनचा वापर करुन नागरिकांना धुळीचा त्रास होऊ नये तसेच कमीत कमी धूळ प्रदूषण व्हावे याकरिता प्रयत्न करण्यात आला.
Post a Comment