दिशा व्यासपीठातर्फे 'ती' च्या अस्तित्वासाठी हळदीकुंकू आणि ढोलकीच्या तालावर उपक्रमाचे आयोजन
पतीच्या निधनानंतर महिलेला कुंकू लावण्यास बंदी घालणं कितपत योग्य आहे. दुखा:चा डोंगर डोक्यावर कोसळलेल्या असतानाही उद्योगधंदे, घरं चालवणे,मुलांचं शिक्षण या सर्व जबाबदाऱ्या महिला आपलं कर्तव्य समजून पार पाडतात.तरीही अशा महिलांना समाजात अशा समारंभात बाजूला सारलं जात म्हणूनच हा पायंडा आम्ही 2020 पासून मोडीत काढत आलेलो आहोत हा हळदी कुंकवाचा हा थाट खास त्यांच्यासाठीच असतो असे यावेळी दिशा संस्थापिका निलम आंधळे म्हणाल्या.महिला सबलीकरण व सक्षमीकरणासाठीच्या कार्यात नेहमी दिशा सोबत आहे असे आश्वासन राजकुमार पाटील यांनी दिले.
कुंकवाचा धनी परलोकवासी झाल्यानंतर घरीदारी उपेक्षेची नजर वाट्याला आलेल्या महिलांच्या कपाळी हळदी-कुंकवाची बोटं लागली आणि त्यांच्या डोळ्यात पाणी तरळले एकमेकींना आलिंगन देऊन निःशब्द भावना नजरेतून यावेळी व्यक्त झाल्या यावेळी LGBT विकास व ज्ञानेश्वर यांचीही उपस्थिती कार्यक्रमात लाभली आपल्यातीलच एक असलेल्या या व्यक्तिमत्वास सर्वांनी स्वीकारावं त्यांच्याबद्दल असलेले गैरसमज दूर व्हावेत त्यांनाही तेवढाच मान सन्मान मिळावा या उद्देशाने ते ही या समारंभात व्यक्त झाले,या समारंभाचे भावनिक दृश्य यावेळी पाहायला मिळाला.यावेळी महिलांची मोठी उपस्थिती पाहायला मिळाली.ढोलकीच्या तालावर महिलांनी काही परफॉर्मन्स देखील केले व इतर महिलांनाही थिरकायला भाग पाडले.नृत्यांगना मिताली पाटील खास या सदाबहार लावणीसाठी उपस्थित होत्या.सायबर क्राईम व इतर विषयावरील जनजागृतीच्या कार्यक्रमात प्रमुख व्याख्याते लाभलेल्या काही मान्यवरांचा सन्मानही यावेळी करण्यात आला.आरती चव्हाण यांनी धमाल,मजेशीर,विविध खेळ खेळत बक्षीसांची लयलूट करत मोठ्या जल्लोषात समारंभ पार पडला.यावेळी दिशा व्यासपीठाच्या उपाध्यक्ष विद्या मोहिते यांनी कार्यक्रमाची धुरा सांभाळत सर्व महिलांच्या पाठीशी कणखरपणे उभे आहोत असे म्हणाल्या व आतापर्यंत च्या व्यासपीठातील काही आठवणी ताज्या करत त्या गहिवरून गेल्या.या हळदीकुंकू समारंभास कामोठे व परिसरातील महिला मान्यवरांची देखील उपस्थिती लाभली. उपस्थित मान्यवरांनी उपक्रमाचे कौतुक करत शुभेच्छा दिल्या.संस्कृती जपणारा,महिलांच्या सन्मानासाठी प्रेरणादायी ठरलेला हा कार्यक्रम उत्साहात संपन्न झाला.
Post a Comment