गणेश उत्सवाचे साहित्य महागलेलेच ...सजावट ते पूजेच्या साहित्यापर्यंत सर्वच वस्तूंच्या दरात मोठी वाढ

Panvel Times September 02, 2024 0

पनवेल  (वार्ताहर) ः यंदाच्या गणेशोत्सवात गणेश मुर्तींसह सजावटीचे सर्वच साहित्य महाग झाले आहेत. त्यामुळे नागरिकांना महागाईच्या झळा सहन कराव्या लागत आहेत.उत्सवासाठी लागणार्‍या सजावटीच्या साहित्यापासून ते पूजेच्या साहित्यापर्यंत सर्वच वस्तूंच्या दरांत मोठी वाढ झाली आहे.सजावटीचे साहित्य 15 ते 20 टक्क्यांनी आणि पूजेचे साहित्य 25 ते 30 टक्क्यांनी महागले आहे, अशी माहिती विक्रेत्यांकडून देण्यात आली.
अवघ्या काही दिवसांवर येऊन ठेपलेल्या गणेशोत्सवासाठी बाजारपेठाही सज्ज झाल्या आहेत. कृत्रिम फुलांपासून तयार केलेले सजावटीचे साहित्य, कृत्रिम फुलांच्या माळा,रोषणाईच्या माळा,मखर तसेच पूजेच्या साहित्याने बाजारपेठा सजलेल्या दिसून येत आहेत. ठाणे तसेच उपनगरातील बाजारपेठेत सकाळपासून नागरिकांची खरेदीसाठी गर्दी होत आहे. गणेशोत्सवासाठी लागणार्‍या सजावटीच्या साहित्यापासून ते पूजेच्या साहित्यापर्यंत सर्वच गोष्टी महागल्याचे चित्र आहे.सजावटीचे साहित्य 15 ते 20 टक्क्यांनी आणि पूजेचे साहित्य 25 ते 30 टक्क्यांनी महागले आहे.इंधन दरवाढीमुळे वाहतूक खर्च महागला आहे, त्यामुळे या साहित्याच्या दरात वाढ झाली असल्याची माहिती विक्रेत्यांकडून देण्यात आली. पूजेचे साहित्य 25 ते 30 टक्क्यांनी महाग पूजा साहित्याच्या दरात 20 ते 25 टक्क्यांनी वाढ झाली आहे तर, 400 ते 800 रुपये प्रति किलोने विक्री करण्यात येत असलेली सुटी अगरबत्ती यंदा 500 ते 1000 रुपये प्रति किलोने विकण्यात येत आहे. दरवर्षी गणेशोत्सव निमित्त बाजारात विविध प्रकारचे मखर विक्रीसाठी उपलब्ध होत असतात. अलिकडे बाजारात पर्यावरणपूरक मखरचा ट्रेंड वाढल्याचे दिसून येत आहे.पुठ्ठा,कागद,कापड यांपासून तयार केलेल्या मखरांसह यंदा बाजारात बांबूपासून तयार केलेले तसेच वूडन ग्रास आणि लेझर लाईटचे मखरही विक्रीसाठी दाखल झाले आहेत.