पाणी प्रश्‍नावरुन करंजाडेवासीय सिडकोच्या विरोधात उतरले रस्त्यावर
सामाजिक कार्यकर्ते विनोद साबळे,माजी सरपंच रामेश्‍वर आंग्रे यांच्यासह मोठ्या प्रमाणात माता-भगिनी व येथील नागरिक आज सकाळी जेएनपीटी हायवे रास्ता रोको करण्यासाठी रस्त्यावर उतरले होते व त्यांनी धडक मोर्चा काढून सिडकोच्या गलथान कारभाराचा पाढाच वाचला.गेल्या अनेक महिन्यापासून या परिसरात पाणी प्रश्‍न बिकट होत चालला असून त्यामुळे अनेकांनी आपली राहते घरे विकून दुसरीकडे राहण्यास गेले आहेत. सिडकोने या भागाचा विकास करताना पाणी प्रश्‍नाचे नियोजन करणे गरजेचे होते.परंतु ते न करता येथे फक्त इमारती उभारल्या गेल्या आहेत व येथील रहिवाशांना पाणी विकतचे घ्यावे लागत आहे.या सर्व गोष्टीचा आज येथील नागरिकांनी रस्त्यावर उतरुन निषेध केला आहे व सिडकोने त्वरित पाणी प्रश्‍न निकाली न काढल्यास आगामी अधिवेशनात करंजाडेवासियांचा मोर्चा त्यांच्यावर काढण्यात येईल,असा इशारा सामाजिक कार्यकर्ते विनोद साबळे यांनी दिला आहे.
Post a Comment