पनवेलच्या लेडीज स्पेशल ग्रुपचा हळदीकुंकू ...नृत्य, गायन, उखाणांमुळे समारंभास रंगत
8 वर्षापूर्वी या ग्रुपची स्थापना झाली असून या लेडीज स्पेशल ग्रुपमध्ये विविध राजकीय, सामाजिक क्षेत्रातील महिलांचा समावेश आहे.वेगवेगळ्या विचारसरणीच्या महिलांना एकत्र आणण्याचे श्रेय सर्वांच्या लाडक्या दिदी शशी देसाई यांना जाते. प्रत्येक संकटाच्यावेळी या ग्रुपमधील महिलांचा हिरिरीने सहभाग असतो. कोरोनामुळे दोन वर्षे सार्वजनिक कार्यक्रम झाले नव्हते. त्यामुळे यावर्षी महिलांचा उत्स्फूर्त प्रतिसाद होता. महिलांनी पारंपारिक उखाणे घेऊन कार्यक्रमाला रंगत आणली. वेगवेगळ्या स्पर्धांतून जिंकलेल्या महिलांना आकर्षक भेटवस्तू देण्यात आल्या त्यामुळे त्यांचा आनंद द्विगुणीत झाला.आगामी काळात महिलांना खर्या अर्थाने आर्थिक सक्षम करण्यासाठी तसेच गरजूंना मदत करण्यासाठी हा ग्रुप प्रयत्नशील असणार आहे. नगरसेविका सुरेखा मोहोकर,प्रज्ञा जाधव,वैजयंती तांबोळी यांच्या नृत्याने कार्यक्रमाची रंगत वाढली. वयाचे बंधन न ठेवता आपली आवड जोपासून आयुष्य स्वच्छंदी कसे जगावे? याचा प्रत्यय यावेळी आला. कार्यक्रमाचे संयोजन शशी देसाई (दिदी), माजी नगरसेविका डॉ.सुरेखा मोहोकर यांनी उत्कृष्टरित्या केले. यावेळी इतर महिलांनीही खूप सहकार्य केले.
Post a Comment