पनवेल महानगरपालिकेच्या ६५० कोटींच्या विकासकामांच्या भूमिपूजनासाठी खासदार,आमदारांसह ३ मंत्री पनवेल महानगराच्या कळंबोलीमध्ये ....
कळंबोलीमधील सेक्टर ११ येथील प्लॉट क्रमांक ६/१ येथे होणाऱ्या या समारंभास राज्याच्या महिला व बालविकास मंत्री आदिती तटकरे यांची प्रमुख उपस्थिती असणार असून खासदार श्रीरंग बारणे,आमदार प्रशांत ठाकूर,आमदार निरंजन डावखरे,आमदार अनिकेत तटकरे,आमदार गोपीचंद पडळकर,आमदार ज्ञानेश्वर म्हात्रे, कोकण विभागीय आयुक्त डॉ. महेंद्र कल्याणकर, रायगडचे जिल्हाधिकारी डॉ. योगेश म्हसे आदी मान्यवरांची विशेष उपस्थिती लाभणार आहे.
या समारंभात 'पुण्यश्लोक अहिल्यादेवी होळकर सभागृह बांधकाम', 'खारघर नोड मधील विविध रस्त्यांचे काँक्रीटीकरण व पुनपृष्ठीकरण', 'कळंबोली नोड मधील विविध रस्त्यांचे काँक्रीटीकरण व पुनपृष्ठीकरण', 'महानगरपालिका मुख्यालय लगतच्या रस्त्यांचे कॉक्रीटीकरण व उन्नतीकरण', 'पनवेल शहरातील स्वामी नारायण मार्गाचे काँक्रीटीकरण', तसेच 'अमृत योजनेंतर्गत मलनिस्सारण वाहिन्या व मल प्रक्रिया केंद्र उभारणे आणि पाणी पुरवठा वितरण व्यवस्था उभारणे' या ६५१ कोटी रुपयांच्या विकासकामांचे भूमिपूजन होणार आहे.
Post a Comment