पनवेल विधानसभा मतदारसंघ निवडणूक ...पनवेलजवळील पळस्पे चेक पोस्ट नाक्यावर तपास कारवाईमध्ये ६ लाखाची रोकड जप्त

Panvel Times October 25, 2024 0

पनवेल,दि.25 : विधानसभा सार्वत्रिक निवडणूक 2024 साठी 15 ऑक्टोबर 2024 पासून आदर्श आचारर्संहिता लागू झाली आहे. पनवेल 188 विधानसभा मतदारसंघ,  निवडणूक विभाग अंतर्गत आचार संहिता पथकांतर्गत स्थिर सर्वेक्षण पथक क्रमांक ६ (एसएसटी पथक ) ने आज दिनांक २५ ऑक्टोबर 2024 रोजी पळस्पे फाटा चेक पोस्ट येथे सकाळी १०:०० ते रात्री २२:०० वाजेपर्यंत वाहन तपासण्याचे कर्तव्य करत असताना सकाळी ११:५५ वाजण्याचे दरम्यान गोवा-पनवेल हायवे रोडवरून जाणाऱ्या राखाडी रंगाच्या टाटा पंच चार चाकी  गाडीस थांबवून तपासणी केली असता, त्या गाडीमध्ये 6 लाखाची रोख रक्कम आढळून आली. सदरील रक्कम संशयास्पद असल्याने ही रक्कम पथकामार्फत जप्त करण्यात आली. 

सदर कारवाई 188 पनवेल विधानसभा मतदार संघाचे निवडणूक निर्णय अधिकारी  मा. श्री.पवन चांडक यांच्या मार्गदर्शनाखाली करण्यात आली. या कारवाईवेळी सहाय्यक निवडणूक निर्णय अधिकारी श्री. विजय पाटील, आचारसंहिता पथक प्रमुख श्री.भारत राठोड, सहाय्यक खर्च निरीक्षक श्री.विजय फासे, सहाय्यक खर्च निरीक्षक श्री.संजय आपटे, सहाय्यक निवडणूक निर्णय अधिकारी संजय भालेराव, सहाय्यक निवडणूक निर्णय अधिकारी श्री.संदिप कराड,आचार संहिता पथक प्रमुख श्री. महेश पांढरे, आचार संहिता सनियंत्रण अधिकारी श्री.शरद गीते, सहाय्यक आचार संहिता पथक प्रमुख श्री.जी.एस.बहिरम, सहाय्यक आचार संहिता पथक समन्वयक श्री. दिनेश भोसले, श्री.नितेश चिमणे, श्री.तुषार म्हात्रे तसेच  पळस्पे फाटा चेक पोस्टवरील एसएसटी पथकाचे प्रमुख श्री. किरण पोकळे, कामोठे पोलिस स्टेशन ठाण्याचे पोलिस शिपाई श्री. जितेश नवघरे,तळोजा पोलिस ठाण्याचे पोलिस शिपाई श्री.प्रकाश म्हस्के, खारघर पोलिस ठाण्याचे पोलिस शिपाई श्री. हौसराव खकाळ उपस्थित होते.