पनवेलच्या परदेशी आळीत रस्त्याचे काँक्रीटीकरण,इमारत पुनर्विकासाची कामे ... गटारात माती,रस्त्यावरील राडारोडामुळे नागरिकांनी केलेल्या तक्रारीची दखल घेत माजी नगरसेविका डॉ.सुरेखा मोहोकर यांनी केले समस्यांचे निराकरण
शहरातील प्रभाग क्रमांक १८ मधील परदेशी आळी येथील रस्त्याचे काँक्रीटीकरण काम व इमारत पुनर्विकासाची कामे चालू आहेत.सदरच्या कामांची डॉ.सुरेखा मोहोकर वारंवार स्वतः उभे राहून पाहणी करीत असतात व नागरिकांच्या समस्यांचे निराकरण करीत असतात.इमारत पुनर्विकास करणाऱ्या विकासकाने संपूर्ण गटार हे माती टाकून बंद केले होते,यामुळे पाण्याचा निचरा होण्यास प्रतिबंध होत असल्याची तक्रार तसेच राडारोडा पडलेला असल्यामुळे देखील नागरिकांना याचा त्रास होत-होता आणि रस्त्यावरील काम पूर्ण झाल्यानंतर पाण्यासाठी केलेली वाट ही देखील तशीच राहिल्यामुळे नागरिकांचे होणारे अपघात अशा अनेक गोष्टींच्या तक्रारी आल्या होत्या.यासंदर्भात डॉ.सुरेखा मोहोकर माजी नगरसेविका यांनी स्वतःजातीने हजर राहून रस्ते इंजिनिअर ऋषिकेश,अमित ठाकूर,प्रभाग अधिकारी श्री.माळी,यांच्याकडे पाठपुरावा करत जेसीबीने सर्व सफाई करून घेतली तसेच स्वतःपुनर्विकासक याच्याशी फोनवर बोलून जेसीबीचे सहकार्य रस्ते ठेकेदाराकडून घेऊन नाले उघडून घेतले आहेत व आपणास जर सामानाची वाहतूक करायची असेल तर आपण पाण्याचा निचरा योग्य करण्यासाठी पाइप टाकून घ्यावेत.अशा सूचना केल्या.रस्ते ठेकेदार यांनी संपूर्ण राडारोडा उचलून गटारपाणी निचरा करून दिला व सर्व तक्रारींचे निवारण करून घेतले.यावेळेस ठेकेदार यांचे जे.इ.पुनर्विकासक यांचे कर्मचारी श्री.मंदार खामकर,श्री.जयवंत भोईर,सौ.मनीषा परदेशी,श्री मोहनसिंग परदेशी,श्री पाटील व इतर नागरीक उपस्थित होते.याबदल नागरिकांनी डॉ.सुरेखा मोहोकर या नेहमीच स्वतः उभे राहून आमच्या समस्या जाणून घेऊन निराकरण करतात याबद्दल आनंद व्यक्त केला.
Post a Comment