पनवेलमध्ये मावळ लोकसभा महायुती आणि महाविकास आघाडीच्या उमेदवारांचा प्रचार घरोघरी-दारोदारी ..... कार्यकर्त्यांमध्ये फोटो आणि सेल्फीचा उत्साह

Panvel Times April 20, 2024 0

पनवेल - मावळ लोकसभेची निवडणूक १३ मे २०२४ रोजी होत आहे,मावळ लोकसभा महायुतीचे उमेदवार श्रीरंग बारणे आणि इंडिया महाविकास आघाडीचे उमेदवार संजोग वाघेरे- पाटील यांचा पनवेलमध्ये प्रचार घरोघरी-दारोदारी सुरू झाला आहे.महायुती आणि महाविकास आघाडीच्या कार्यकर्त्यांमध्ये प्रचाराचा चांगलाच उत्साह आहे.पनवेल महानगरातील सोसायट्या,दुकाने,रस्त्यातून येणारे-जाणारे नागरिक,ज्येष्ठ नागरिक,तरुण यांच्यापर्यंत कार्यकर्ते उमेदवारांची माहिती पोहोचवत आहेत.आमच्याच उमेदवाराला मत द्या हे पटवून कार्यकर्ते सांगत आहेत.

महायुतीचे उमेदवार श्रीरंग बारणे यांची निशाणी धनुष्यबाण तर इंडिया महाविकास आघाडीचे संजोग वाघेरे-पाटील यांची निशाणी मशाल आहे.

कार्यकर्त्यांकडून उमेदवारांची माहिती,पक्षाची भूमिका पत्रक वाटून मतदारांपर्यंत पोहोचवली जात आहे.प्रचार करताना कार्यकर्त्यांमध्ये फोटो आणि सेल्फीचा चांगलाच उत्साह आहे,आणि तो सोशल मीडियावर पाहायला मिळत आहे.