पनवेल महानगरपालिकेच्या अन्यायकारक,जुलमी,जप्ती व दुहेरी कर वसुली विरोधात महादेव वाघमारे यांचे सोमवारपासून उपोषण

Panvel Times March 09, 2024 0

पनवेल - पनवेल महानगरपालिकेच्या अन्यायकारक,जुलमी,जप्ती व दुहेरी कर वसुली विरोधात परिवर्तन सामाजिक संस्थेचे संस्थापक अध्यक्ष महादेव वाघमारे हे सोमवार दि.11 मार्च 2024 रोजी सकाळी 11 वाजता पनवेल महानगरपालिकेच्या मुख्यालयासमोर  उपोषणास बसणार आहेत.

विविध मागण्या महादेव वाघमारे यांच्या आहेत त्यामध्ये, ऑक्टोबर 2016 ते नोव्हेंबर 2022 या कालावधीमध्ये सिडकोकडून समाविष्ट नागरी भागात कलम 128 अ नुसार विविध सेवा- सुविधा पनवेल महानगरपालिकेने पुरविलेल्या नाहीत त्यामुळे अशी कर आकारणी रद्द करावी,ऑक्टोबर 2016 ते नोव्हेंबर 2022 या कालावधीमधील निवासी व वाणिज्य मालमत्तावरील वसूल केलेली मालमत्ता करायची रक्कम व्याजासहित मालमत्ता धारकांना परत करावी,1डिसेंबर 2022 पासून मालमत्ता कर आकारणी सुरू करावी व नव्याने बिले पाठवावी,मालमत्ता करावर लागलेला दंड रद्द करा व ऑक्टोबर 2016 ते नोव्हेंबर 2022 या कालावधीमधील वसूल केलेली शास्ती व्याजासहित परत करावी,ऑक्टोबर 2016 ते नोव्हेंबर 2022 या कालावधीत मालमत्ता कर वसुलीसाठी निवासी व वाणिज्य मालमत्ता धारकांना पाठवलेल्या जप्तीच्या नोटिसा रद्द करा अशा प्रामुख्याने मागण्या आहेत.