जुईली रविंद्र घरत आणि प्रणित रोहिदास वास्कर यांचा साखरपुडा .... पनवेल तालुक्यातील उसर्ली येथील सुप्रसिद्ध राज रिसॉर्ट येथे मान्यवरांच्या उपस्थितीमध्ये साखरपुडा सोहळा संपन्न
आप्तेष्टांच्यासह विविध राजकीय पक्षांचे नेते व पदाधिकारी, हॉटेल व्यावसायिक,ओएनजीसीचे अधिकारी,पोलीस अधिकारी,न्याय व विधी क्षेत्रातील तज्ज्ञ, डॉक्टर्स,प्रशासकीय अधिकारी असे समाजाच्या विविध स्तरावरील मान्यवरांनी उपस्थिती दर्शवत वागदत्त वधूवरांना आशीर्वाद दिले. आपल्या संस्कृतीत वधू आणि वराच्या सहजीवनाची गाठ बांधून, अग्नी साक्षी ठेवत सात पावले चालून विवाह करण्याची रीत आहे.तत्पूर्वी दोन्हीकडच्या आप्तेष्टांचा वधू-वरांशी आणि त्यांच्या नातेवाईकांची परिचय व्हावा या उदात्त हेतून साजरा केला जाणारा समारंभ म्हणजे साखरपुडा.मोजके धार्मिक विधी,ओटी भरणे,अंगठ्या अथवा भेट वस्तूंची देवाणघेवाण करणे यासोबतच दोन्ही कुटुंबांची एकमेकांशी ओळख आणि विवाहाची पूर्वतयारी या दृष्टीने या सोहळ्यास अनन्यसाधारण महत्त्व असते. जुईली आणि प्रणित यांच्या साखरपुड्याच्या निमित्ताने घरत आणि वास्कर कुटुंबीय व आप्तेष्टांच्या परिवाराने साखरपुड्याचा आनंद लुटला.
हा साखरपुडा ज्या नेत्रदीपक रिसॉर्टवरती संपन्न झाला,ते राज रिसॉर्ट हे खरे तर डेस्टिनेशन वेडिंगसाठी अल्पावधीतच लोकप्रिय झाले आहे.निसर्गाच्या कुशीत वसलेल्या उसर्ली ( बुद्रुक) येथील हवेशीर आणि मोकळे वातावरण,प्रशस्त आणि हिरवेगार लॉन,भव्य रूम्स,स्विमिंग पूल,मुबलक पार्किंग,अप्रतिम लॉजिंग,रूफ टॉप रेस्टॉरंट,लिफ्ट, तत्पर रूम सर्विस या गुणवैशिष्ट्यामुळे हे रिसॉर्ट लोकांची पहिली पसंती बनत आहे.रिसॉर्ट ओनर माजी नगरसेवक संतोष उरणकर यांनी चोखंदळ कलाकारांकडून बनवून घेतलेली पेंटिंग्स,सर्वोत्तम दर्जाचे फर्निचर,स्वच्छता यामुळे येथील रूम्समध्ये वास्तव्य करण्याचा एक अनोखा अनुभव ग्राहकांना प्राप्त होतो तसेच त्यांच्या शिस्तबद्ध नियोजनामुळे प्रत्येक सोहळा निर्विघ्नपणे आणि चिरकाल स्मरणात राहील या दर्जाचा साजरा होतो.या साऱ्याची प्रचिती जुईली आणि प्रणित यांच्या साखरपुड्याच्या सोहळ्यात उपस्थितांना आली.
Post a Comment