मालमत्ता करा विरोधात पनवेल तालुका प्रकल्पग्रस्त समिती आणि 'महाविकास आघाडी पनवेल,उरणच्यावतीने पनवेल महापालिकेवर मोर्चा
या मोर्च्याची सुरुवात खांदा कॉलनी सिग्नल येथून मुंबई-पुणे महामार्गावरून पनवेलमध्ये पायी चालत जाऊन महापालिका मुख्यालयापर्यंत काढण्यात आला.सदर मोर्चा पनवेल तालुका प्रकल्पग्रस्त समितीच्या वतीने अध्यक्ष विजय गडगे यांच्या नेतृत्वाखाली काढण्यात आला.या मोर्च्यामध्ये महाविकास आघाडीचे शिवसेना (उद्धव बाळासाहेब ठाकरे) रायगड जिल्हा संपर्कप्रमुख बबन पाटील,मा.आमदार बाळाराम पाटील, काँग्रेस रायगड जिल्हा पनवेल अध्यक्ष सुदाम पाटील,शिवसेना (उद्धव बाळासाहेब ठाकरे) तालुकाप्रमुख विश्वास पेटकर,संजय घरत,भूषण पाटील,हेमराज म्हात्रे, मा.नगरसेवक गणेश कडू,नंदराज मुंगाजी,कॅ.कलावंत , सुनीत पाटील,राजा केणी,सुधाकर पाटील,यांच्यासह मोठ्या प्रमाणात ग्रामस्थ व महिला या मोर्च्यात भर उन्हामध्ये सहभागी झाल्या होत्या.झोपलेल्या पनवेल महानगरपालिकेला जागे करण्यासाठी थाळीनाद करत घोषणा सुद्धा देण्यात आल्या.त्यांनतर पनवेल महानगरपालिकेचे उपायुक्त गणेश शेट्ये यांची शिष्टमंडळाने भेट घेऊन ग्रामस्थांच्या भावना त्यांच्या समोर मांडल्या.यावेळी शेट्ये यांनी शिष्टमंडळाला महानगरपालिका कडून मालमत्ता कराबाबत पडताळणी करून 1 महिन्यात कळवू असे लेखी आश्वासन दिल्यानंतर हे आंदोलन मागे घेण्यात आले.या आंदोलनाच्या निमित्ताने ठोस पोलीस बंदोबस्त ठेवण्यात आला होता.
Post a Comment