पनवेल महापालिका कार्यक्षेत्रात पाणीपट्टी थकबाकी वसुलीची मोहीम सुरु ..७२ लाखाची वसुली

Panvel Times March 02, 2024 0

पनवेल : पाणीपट्टीच्या वसुलीसाठी महापालिकेच्या पाणीपुरवठा विभागाने आक्रमक पवित्रा घेतला आहे. आयुक्त श्री. गणेश देशमुख यांच्या सूचनेनुसार थकबाकीदार नळकनेक्शन धारकांविरोधात मोहीम सुरू करण्यात आली आहे.गेल्या आठ दिवसापासून ही मोहीम सुरू करण्यात आली असून मोहीम सुरू केल्यापासून सुमारे ७२ लाखाची वसुली करण्यात आली आहे. 

पनवेल महानगरपालिका हद्दीत एकुण 16 हजार 732 नळ जोडणीधारक आहेत.महानगरपालिकेची  पाणी कराची 17 कोटी 94 लाखाची मागणी असून या आर्थिक वर्षात 5 कोटी 50 लाखाची वसुली झाली आहे . अजूनही 12 कोटी  44 लाखाची पाणीकर थकबाकी  शिल्लक आहे. थकबाकीधारकांना पाणी कर भरणा नोटीसीचे वाटप करण्यात आले आहेत.लाखोंच्या घरात थकबाकी असणाऱ्या थकबाकीदारांच्या विरोधात पनवेल महानगरपालिकेने वसुली मोहिम सुरु केली आहे. मोहिम सुरु केल्यापासून सुमारे 72 लाखांची वसुली  झाली आहे.पाणी कर थकबाकीदारांनी भरला नाही तर पाणी कर संकलन विभागांतर्गत नळ जोडणी बंद करण्याची कारवाई करण्यात येणार आहे. 

पाणी कर थकबाकीधारकांनी त्वरीत पनवेल महानगरपालिका कार्यालयात येउन पाणी कर भरणा करावा अन्यथा कोणतीही पुर्वसूचना न देता नळकनेक्शन बंद करण्याची कारवाई  करण्यात येईल असे आवाहन महापालिकेच्यावतीने उपायुक्त गणेश शेटे यांनी केले आहे.