पनवेल महानगरपालिकेच्या गावठाण क्षेत्रातील मालमत्ता पत्रकाचे आमदार प्रशांत ठाकूर यांच्या हस्ते वाटप ... मालमत्ता पत्रक मालमत्ताधारकांसांठी मोठी सनद- आमदार प्रशांत ठाकूर
पनवेल महानगरपालिका क्षेत्रातील एकुण ३० गावे समाविष्ट असून यातील एमएमआरडीए क्षेत्रातील ११ गावांचे आणि सिडकोकडील १३ गावे असे एकुण २४ गावांच्या गावठाणातील मालमत्तांचे मालमत्ता पत्रक करण्याबाबतच्या सूचना भूमीलेख अभिलेख विभागाकडून महापालिकेस आल्या होत्या.यापैकी ७ गावांच्या मालमत्तांची मोजणी पुर्ण करून एकुण ७२५ मालमत्ता पत्रक तयार करण्यात आले आहेत.या मालमत्ता पत्रकांचे वाटपाचा कार्यक्रम मान्यवरांच्या हस्ते करण्यात आले.
प्रॉपर्टी कार्ड शहरी भागातील जमिनीचा खरा मालक प्रमाणित करतो,मालमत्ता पत्रिका शहरी भागातील जमिनींवर खोटा दावा शोधण्यात मदत करते, मालमत्ता पत्रकाचा वापर केल्यास जमीन बळकावणे टाळले जाते, शहरी भागातील जमिनीशी संबंधित न्यायालयीन खटल्यांमध्ये प्रॉपर्टी कार्डचा वापर केला जाऊ शकतो, प्रॉपर्टी कार्ड धारकाला भविष्यात कोणतीही कायदेशीर अडचण टाळण्यास मदत करेल तसेच भूसंपादन झाल्यास रितसर मोबदला मिळण्यासाठी प्रॉपर्टी कार्ड उपयोगी पडते असे या प्रॉपर्टी कार्डचे महत्व आहे. तसेच या कार्डमध्ये जमीन मालकाचे नाव आणि मालकी हक्कातील बदल,जमिनीचा सिटी टायटल सव्र्व्हे नंबर, जमिनीचे स्थान, प्लॉट क्रमांक, चौरस मीटरमध्ये जमिनीचे क्षेत्रफळ, भार आणि उत्परिवर्तन रेकॉर्ड, सरकारी संस्थांकडून जमीन मालकाने घेतलेल्या कर्जाशी संबंधित तपशील, प्रलंबित खटल्यांचा तपशील आणि जमिनीवर आकारलेल्या आणि न भरलेल्या करांचा तपशील सामावीष्ठ करण्यात आला आहे.
या कार्यक्रमावेळी आमदार प्रशांत ठाकूर यांनी, महापालिका कार्यक्षेत्रातील स्केअर फूटवरती जमीनच्या किंमती गेलेल्या आहेत.अशा वेळी मालमत्ताधारकांना स्वतःच्या मालमत्ताचे मालमत्ता पत्रक असणे महत्वाचे आहे. अशावेळी महापालिकेने दिलेले मालमत्ता पत्रक मालमत्ताधारकांसांठी मोठी सनद आहे.मला खात्री आहे येत्या काळात उरलेल्या गावांतील घरमालक देखील मालमत्ता पत्रकांसाठी मागणी करतील आणि पालिका त्यांना मालमत्ता पत्रक देईल, असेही त्यांनी सांगितले.
Post a Comment