पनवेलमध्ये कामाचे आमिष दाखवून १० लाखांची फसवणूक .. सोशल मिडीयाच्या माध्यमातून फसवणूकीच्या प्रकारात वाढ
केतन रघुनाथ पाटील (वय ३७) असे पीडित तरुणाचे नाव असून तो पनवेल येथील रहिवासी आहे, याने फिर्याद दिली असून त्यानंतर गुन्हा दाखल करण्यात आला आहे. पोलिसांकडून या प्रकरणाचा तपास सुरू असून अद्याप कोणालाही अटक करण्यात आली नसल्याचे यासंदर्भात पोलिस अधिकान्याने माहिती देतांना सांगितले. आरोपी इंदिरा (व्हॉट्सप नंबरवरून ओळखले गेलेले नाव), टेलिग्राम आयडी प्रोफेसर १२२३ असलेली व्यक्ती, टेलिग्राम आयडी रवींद्र व्यक्ती या फसवणूक योजनेतील सिंग सहोता असलेली दुसरी आणि टेलिग्राम आयडी अनिका चोप्रा असलेली तिसरी व्यक्ती आहेत.या फसवणूक प्रकरणात गुंतवलेली एकूण रक्कम १० लाख १३ हजार ५ इतकी आहे. यातील आरोपीने सदर तरूणाशी संपर्क साधला आणि त्याला ऑनलाइन प्रीपेड काम करण्याचे आमिष दाखवले. आणि त्यांनी त्याला दुवे पाठवले व यानंतर काम नियुक्त करून आकर्षक परताव्याचे आश्वासनही त्यास देण्यात आले. व त्यानंतर तरूणाची उपरोक्त रक्कमेची फसवणूक झाली.तथापि, कार्य पूर्ण केल्यानंतर, पीडितेला वचन दिलेला परतावा किंवा पैसे दिले गेले नाहीत. दरम्यान, यातील तरूणाने पैसे भरण्यासाठी आरोपींशी संपर्क साधला असता, त्यांनी उडवाउडवीची उत्तरे दिली व सहकार्य न मिळाल्याने हताश झालेल्या तरूणाने अखेरीस पोलिसांत तक्रार दाखल केली असून पोलिस अधिक तपास करत आहेत.
Post a Comment