वाहतुकीचे नियम आणि पालन संदर्भात वाहतूक पोलिसांकडून विद्यार्थ्यांचे प्रबोधन : नवीन पनवेलच्या बांठीया विद्यालयात उपक्रम

Panvel Times July 17, 2023 0

पनवेल( संजय कदम ) :शालेय विद्यार्थ्यांच्या मार्फत सध्या दुचाकी व चार चाकी वाहने चालवण्याचे प्रमाण वाढले आहे . या विद्यार्थ्यांना संबंधित वाहतुकीचे नियम त्याच प्रमाणे त्याचे कशाप्रकारे काटेकोरपणे पालन करावे यासाठी पनवेल वाहतूक शाखेचे पोलीस निरीक्षक संजय पाटील यांनी सदर विद्यार्थ्यांना याबाबतची माहिती देऊन त्यांचे प्रबोधन केले .

नवीन पनवेल येथील के.आ.बांठिया विद्यालय येथे विध्यार्थ्यांना वाहतुकीचे नियमयाविषयी व वाहतूक नियमाचे पालन करण्याबाबत पनवेल वाहतूक शाखेचे पोलीस निरीक्षक संजय पाटील ,पोलीस उपनिरीक्षक खांडेकर यांनी उपस्थित राहून मार्गदर्शन केले . सदर कार्यक्रमास बांठिया विद्यालयाचे प्राचार्य माळी सर व विद्यालयाचे विद्यार्थी हजर होते . यावेळी सदर विद्यार्थ्यांच्या विविध शंका व प्रश्नांचे निराकरण यावेळी उपस्थित मान्यवरांनी केले.