पनवेल महानगरपालिका नोकरभरतीमध्ये सिडको प्रकल्पग्रस्त व स्थानिकांना प्रथम प्राधान्य द्या : शिवसेनेचे विश्वास पेटकर यांची मागणी
सिडको प्रकल्पग्रस्तांना व स्थानिकांना प्रथम प्राधान्य द्या अशी मागणी शिवसेनेचे तालुकाप्रमुख विश्वास पेटकर यांनी पनवेल महानगरपालिकेकडे केली आहे.
त्यांनी दिलेल्या निवेदनात,सिडकोने प्रकल्पग्रस्तांना दिलेल्या आश्वासनाची कोणत्याही प्रकारची पूर्तता केली नाही.सिडको हद्दीतील सर्व गावे पनवेल महानगरपालिकेत समाविष्ट झाली आहेत. प्रकल्पग्रस्तांची शेती सिडकोने हिसकावून घेऊन प्रकल्पग्रस्त नागरिकांना सिडकोने वाऱ्यावर सोडलेले आहे.सिडकोने विकासाची कोणतीही आजतागायत कामे केलेली नाहीत.सिडकोची विकासगंगा,नोकरीची हमी आमच्या डोळ्यांनी आम्ही कधी बघितलेले नाही.
पनवेल महानगरपालिकेमध्ये निघालेल्या नोकर भरतीमध्ये सिडको प्रकल्पग्रस्त नागरिक व स्थानिकांना प्रथम प्राधान्य द्यावे व कोविडमुळे गेलेली दोन वर्षाची वयाची अट सुद्धा वाढवून द्यावी अशी मागणी विश्वास पेटकर यांनी महानगरपालिकेकडे केली आहे.
यावेळी त्यांच्यासोबत माजी नगरसेवक विश्वास म्हात्रे,श्री राजेश मोहिते उपस्थित होते.
Post a Comment