भाजपा नेत्या चित्रा वाघ बदनामी प्रकरणी राष्ट्रवादीचे नेते जितेंद्र आव्हाडांवर कारवाई करा : पनवेल भाजप महिला मोर्चाच्यावतीने पोलिसांना निवेदन
भाजप महिला मोर्चाच्या प्रतिनिधी समाजात महिला सबलीकरण करण्याचे तसेच सामाजिक आर्थिकस्तरावर महिलांना सक्षम करण्याचे काम करत आहेत. जिथे जिथे महिलांवर अन्याय होतो तिथे महिला मोर्चा आवाज उठवतो, पण सध्या प्रदेश महिला मोर्चा अध्यक्षा चित्रा वाघ यांचे चारित्र्यहनन करण्याचा प्रकार राष्ट्रवादीचे मुंब्रा मतदारसंघाचे आमदार जितेंद्र आव्हाड करत आहेत.हे पाहता एक महिला म्हणून आम्ही शांत बसू शकत नाही.आव्हाड यांनी चित्रा वाघ यांच्या संदर्भात बदनामकारक मजकूर द्विटरवर अपलोड केला आहे. चित्रा वाघ यांची मानहानी करण्याचा त्यांना बदनाम करण्याचा त्यांच्या कुटुंबाला मानसिक त्रास देण्याचा आणि सामाजिक जीवनातून उठविण्याचा प्रकार जितेंद्र आव्हाड यांनी केला आहे.
जिजाऊ, सावित्रीबाई फुले यांच्या महाराष्ट्रात महिलांच्या चारित्र्यावर शिंतोडे उडवले जात आहेत हे सहन केले जाणार नाही म्हणून महिला नेत्या चित्रा वाघ यांची ट्विटरवरून बदनामी मानहानी केल्याप्रकरणी आणि बदनामकारक मजकूर ट्विटरवर टाकल्याप्रकरणी जितेंद्र आव्हाड यांच्यावर गुन्हा दाखल करून कठोर कारवाई करावी, अशी मागणी या निवेदनातून करण्यात आली.
निवेदन देतेवेळी पनवेल महापालिकेच्या माजी उपमहापौर तथा महिला मोर्च्याच्या जिल्हा उपाध्यक्ष चारुशीला घरत, पनवेल शहर अध्यक्षा वर्षा नाईक, माजी नगरसेविका नीता माळी, शहर उपाध्यक्ष नीता मंजुळे, स्मिता मराठे, ज्योस्त्ना माळी आदी उपस्थित होत्या.
Post a Comment