महिला बांधकाम व्यावसायिकावर गोळीबार
पनवेल परिसरात बांधकाम व्यावसायिक आणि रियल इस्टेटचा व्यवसाय करणाऱ्या सौ. सुप्रिया गणेश पाटील (वय ३०,रा.कोप्रोली, उरण) ह्या त्यांचा मावस भाऊ सर्वेश म्हात्रे सोबत त्यांच्या मित्राची निळया रंगाची मारुती सुझुकी बलेनो कार (एमएच ४६ बीके ०६९८) ने पनवेल उरण जुन्या मार्गाने जात असताना बंबावीपाडा येथे एका अज्ञात इसमाने अज्ञात कारणावरुन त्याचेकडील कोणत्यातरी अग्नीशस्त्राने सुप्रिया यांच्यावर गोळीबार करून पळुन गेला आहे. यामध्ये सुप्रिया यांच्या डावे पायाचे गुडघ्याखाली गोळी लागून जखमी झाल्याने त्यांना तात्काळ अपोलो रुग्णालय येथे उपचाराकरिता दाखल करण्यात आले.
ही घटना समजतात पनवेल शहर पोलिसांचे पथकाने घटनास्थळी पोहचून त्यांनी घटनेची माहिती घेतली. सदर गोळीबार व्यावसायीक वादातून झाली असल्याचा प्राथमिक अंदाज पोलिसांकडून वर्तवला जात आहे. दरम्यान नुकतेच नेरुळ येथे बांधकाम व्यावसायिक सावजी पटेल यांच्यावर सुद्धा गोळीबार झाल्याची घटना घडली होती. एकाच महिन्यात दुसऱ्यांदा एका बांधकाम व्यावसायिकांवर गोळीबाराची घटना घडल्याने बांधकाम व्यावसायिकांमध्ये घबराटीचे वातावरण पसरले आहे.
फोटो : घटनास्थानी पाहणी करताना पोलीस अधिकारी
Post a Comment