माजी सैनिक-माजी सैनिकांच्या पत्नींसाठी खारघरमध्ये एक दिवसीय मेळाव्याचे आयोजन

Panvel Times August 22, 2023 0

रायगड (जिमाका) :- खारघर, कामोठे, तळोजा व पनवेल परीसरामधील माजी सैनिक,माजी सैनिक पत्नी यांच्या अडीअडचणी तसेच विविध कार्यालयीन  कामाकरिता मंगळवार, दि.29 ऑगस्ट 2023 रोजी सकाळी 10.00 वा जल वायू विहार,खारघर येथे एक दिवसीय मेळाव्याचे आयोजन केले आहे.या मेळाव्याचा लाभ खारघर,कामोठे,तळोजा व पनवेल परीसरामधील माजी सैनिकांनी घ्यावा असे आवाहन,जिल्हा सैनिक कल्याण अधिकारी (नि.)ले.कर्नल राहुल वैजनाथ माने यांनी केले आहे.  

या मेळाव्यामध्ये माजी सैनिक/माजी सैनिक विधवा पत्नी यांची ओळखपत्रे बनविणे व वाटप करणे, अवलंबितांची ओळखपत्रे,घरपट्टी प्रमाणपत्रे वितरीत करणे, पेंशनबाबत विवीध कामे  इत्यादी कामांकरीता मेळाव्याचे आयोजन करण्यात आले आहे.मेळाव्यास जिल्हा सैनिक कल्याण अधिकारी, (नि.) ले.कर्नल राहुल वैजनाथ माने, सहायक जिल्हा सैनिक कल्याण अधिकारी गोविंदराव मारुति साळुंखे, व कल्याण संघटक पुरुषोत्तम चव्हाण हे उपस्थित राहणार आहेत.