काँग्रेस कार्यकर्त्यांनी एकजुटीने कामाला लागा - आमदार प्रणिती शिंदे..... काँग्रेस मावळ लोकसभा आढावा बैठक
यावेळी जिल्हाध्यक्ष महेंद्र घरत यांनी पदाधिकाऱ्यांना मार्गदर्शन करताना सांगितले की, काँग्रेस पक्षाच्या वाढीसाठी ध्येयधोरणे राबविण्याकरिता प्रयत्न करावे. तसेच तळागळात जाऊन कामे करावीत व येत्या स्थानिक स्वराज्य संस्थेच्या निवडणुकीमध्ये काँग्रेसचे वर्चस्व कसे वाढेल यासाठी सर्वांनी मजबुतीने काम करावे असे सांगितले तर आमदार प्रणिती शिंदे यांनी आगामी होऊ घातलेल्या जिल्हा परिषद, पंचायत समिती, महानगरपालिका आणि लोकसभा निवडणुकीच्या पार्श्वभूमीवर मावळ लोकसभा मतदार संघातील आढावा बैठक घेवून नव्या उमेदीने काम करण्याची ऊर्जा कार्यकर्त्यांमध्ये निर्माण केली.
आगामी निवडणुकीत काँग्रेसचे वर्चस्व आणण्यासाठी सर्व पदाधिकारी व कार्यकर्त्यांनी आत्तापासूनच एकजुटीने कामाला लागावे,असे आवाहन देखील यावेळी करण्यात आले.सदर आढावा बैठकीच्या व्यासपीठावर काँग्रेस आमदार प्रणिती शिंदे,रायगड जिल्हाध्यक्ष महेंद्र घरत,कॅप्टन कलावत,मल्लिनाथ गायकवाड,निर्मला म्हात्रे, श्रुती म्हात्रे,हेमराज म्हात्रे आदी उपस्थित होते.
Post a Comment